World
World Alzheimer's Day 2023 : ലോക അൽഷിമേഴ്സ് ദിനം ; ഈ ദിനത്തിന്റെ പ്രധാന്യത്തെ കുറിച്ചറിയാം
21 Sept 20232 മിനിറ്റ് വായന
ഡിമെൻഷ്യ, അൽഷിമേഴ്സ് എന്നിവയെ ചുറ്റിപ്പറ്റിയുള്ള മിഥ്യാധാരണകൾ ഇല്ലാതാക്കുന്നതിനും അൽഷിമേഴ്സ് ബാധിച്ച ആളുകളെ പ്രോത്സാഹിപ്പിക്കുന്നതിനും കുടുംബങ്ങളെ പിന്തുണയ്ക്കുന്നതിനും വേണ്ടിയാണ് ലോക അൽഷിമേഴ്സ് ദിനം ആചരിക്കുന്നത്.
1994 സെപ്റ്റംബർ 21 ന് എഡിൻബറോയിൽ നടന്ന എഡിഐയുടെ വാർഷിക സമ്മേളനത്തിന്റെ ഉദ്ഘാടന വേളയിലാണ് ലോക അൽഷിമേഴ്സ് ദിനം ആദ്യമായി ആചരിച്ചത്. 1984-ൽ സ്ഥാപിതമായ സംഘടനയുടെ പത്താം വാർഷികത്തോടനുബന്ധിച്ചാണ് ഈ ദിനം ആഘോഷിച്ചത്
എഡിഐ ലോകമെമ്പാടുമുള്ള അൽഷിമേഴ്സ് അസോസിയേഷനുകളെ പ്രോത്സാഹിപ്പിക്കുകയും പ്രാദേശിക, അന്തർദേശീയ തലങ്ങളിൽ മെച്ചപ്പെട്ട നയങ്ങൾ വികസിപ്പിക്കാൻ പ്രോത്സാഹിപ്പിക്കുകയും ചെയ്യുന്നു. Never too early, never too late എന്നതാണ് ഈ വർഷത്തെ ലോക അൽഷിമേഴ്സ് ദിനത്തിന്റെ പ്രമേയം എന്ന് പറയുന്നത്.
2020ൽ 5.8 ദശലക്ഷം അമേരിക്കക്കാർ അൽഷിമേഴ്സ് രോഗവുമായി ജീവിക്കുന്നതായി സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) വ്യക്തമാക്കുന്നു. 65 വയസ്സിനു ശേഷവും ഓരോ 5 വർഷത്തിലും രോഗബാധിതരുടെ എണ്ണം ഇരട്ടിയാകുന്നു.
അൽഷിമേഴ്സിന്റെയും മറ്റ് തരത്തിലുള്ള ഡിമെൻഷ്യയുടെയും ലക്ഷണങ്ങൾ തമ്മിൽ വിശാലമായ സാമ്യമുണ്ട്. ഹ്രസ്വകാല ഓർമ്മശക്തി കുറയുകയോ സമീപകാലത്ത് സംഭവിച്ച സംഭവങ്ങൾ മറക്കുകയോ ചെയ്യുന്നത് ഇതിൽ ഉൾപ്പെടുന്നു. അൽഷിമേഴ്സ് ഉള്ള ആളുകൾക്ക് ശ്രദ്ധ കേന്ദ്രീകരിക്കാനുള്ള ബുദ്ധിമുട്ടും ലളിതമായ ജോലികൾ പോലും ചെയ്യാൻ വെല്ലുവിളികൾ നേരിടുന്നു.
കാലക്രമേണ വഷളാകുന്ന ഒരു മസ്തിഷ്ക വൈകല്യമായിട്ടാണ്, ഇത് ചില പ്രോട്ടീനുകളുടെ നിക്ഷേപത്തിലേക്ക് നയിക്കുന്ന മസ്തിഷ്കത്തിലെ മാറ്റങ്ങളുടെ സവിശേഷതയാണ്. സമീപകാല സംഭവങ്ങളോ സംഭാഷണങ്ങളോ മറക്കുന്നതാണ് രോഗത്തിന്റെ ആദ്യ ലക്ഷണങ്ങൾ. കാലക്രമേണ, ഇത് ഗുരുതരമായ മെമ്മറി പ്രശ്നങ്ങളിലേക്കും ദൈനംദിന ജോലികൾ ചെയ്യാനുള്ള കഴിവ് നഷ്ടപ്പെടുന്നതിലേക്കും പുരോഗമിക്കുന്നു.
എന്താണ് അൽഷിമേഴ്സ് രോഗം?
ഡിമേൻഷ്യ എന്ന രോഗവസ്ഥയുടെ ഏറ്റവും സാധാരണമായ രൂപമാണ് അൽഷിമേഴ്സ്. വളരെ സാവധാനമാണ് ഈ രോഗമുണ്ടാകുന്നത് അതുകൊണ്ട് തന്നെ പലപ്പോഴും ഈ അസുഖം തിരിച്ചറിയാതെ പോകാറുണ്ട്. ഈ ന്യൂറോളജിക് ഡിസോർഡറിന്റെ ഫലമായി മസ്തിഷ്കം ചുരുങ്ങുകയും മസ്തിഷ്ക കോശങ്ങൾ ഇല്ലാതാകുകയും ചെയ്യുന്നു. അൽഷിമേഴ്സ് രോഗ ലക്ഷണങ്ങൾ കാലക്രമേണ വഷളാകുന്നു.
