Technology
ഇനി മറന്നുപോകുമെന്ന പേടി വേണ്ട!; ചാറ്റില് മൂന്ന് മെസേജുകള് വരെ പിന് ചെയ്യാം, പുതിയ ഫീച്ചര്
23 Mar 20241 മിനിറ്റ് വായന
നിലവില് ഒരു മെസേജ് മാത്രമേ പിന് ചെയ്യാന് സാധിക്കുകയുള്ളൂ. പകരം ഒരു ചാറ്റില് മൂന്ന് മെസേജുകള് വരെ പിന് ചെയ്ത് വെയ്ക്കാന് കഴിയുന്നത് ഉപയോക്താവിന് ഏറെ പ്രയോജനം ചെയ്യുമെന്നാണ് വാട്സ്ആപ്പിന്റെ വിലയിരുത്തല്.
ഇതുവഴി പ്രധാനപ്പെട്ട സന്ദേശങ്ങള് എളുപ്പം കണ്ടെത്താന് ഉപയോക്താവിന് സാധിക്കും. വരും ദിവസങ്ങളില് തന്നെ ആന്ഡ്രോയിഡ്, ഐഒഎസ്, വെബ് വേര്ഷനുകളില് ഇത് ലഭ്യമാവുമെന്നാണ് പ്രതീക്ഷ.
വാട്സ്ആപ്പ് സ്ക്രീനിന്റെ വലതുവശത്തുള്ള ത്രീ ഡോട്ട്സില് പിന് തെരഞ്ഞെടുത്ത് വേണം ഇത് ആക്ടീവാക്കാന്. എത്രനാള് മെസേജ് പിന് ചെയ്ത് വെയ്ക്കണമെന്ന് ഉപയോക്താവിന് മുന്കൂട്ടി തീരുമാനിക്കാന് കഴിയും. 24 മണിക്കൂര്, ഏഴ് ദിവസം, 30 ദിവസം ഇവയില് ഏതെങ്കിലും തെരഞ്ഞെടുത്ത് മുന്നോട്ടുപോകുന്നതിനുള്ള സൗകര്യമാണ് ആന്ഡ്രോയിഡ് ഫോണുകളില് ഒരുക്കിയിരിക്കുന്ന്ത്.
