കണ്ണൂർ :(www.payangadilive.in) പൊലീസ് ക്ലബ്‌ കോമ്പൗണ്ടിൽ നിർത്തിയിട്ട പൊലീസുകാരന്റെ ബൈക്ക് മോഷ്‌ടിച്ച അന്തർസംസ്ഥാന മോഷ്ടാവ് പിടിയിൽ. പാലക്കാട് മീനാക്ഷിപുരം നന്ദിയോട് സ്വദേശി രതീഷിനെയാണ് ഇരിക്കൂറിൽ കണ്ണൂർ ടൗൺ ഇൻസ്‌പെക്ടർ പി.എ. ബിനുമോഹന്റെ നേതൃത്വത്തിൽ അറസ്റ്റ് ചെയ്‌തത്. ജില്ലയിലെ വിവിധയിടങ്ങളിലെ സി.സി.ടി.വി ദൃശ്യങ്ങൾ പരിശോധിച്ചാണ് പ്രതിയെ പിടിച്ചത്. പൊലീസ് ക്ലബ്ബിൽ നിർത്തിയിട്ട കണ്ണൂർ ടൗൺ സ്റ്റേഷനിലെ സീനിയർ സി.പി.ഒ സദകത്തുള്ളയുടെ ബുള്ളറ്റാണ് കഴിഞ്ഞ ചൊവ്വാഴ്‌ച മാേഷണം പോയത്. ചൊവ്വ വൈകിട്ട്‌ ഡ്യൂട്ടിക്ക് വരുമ്പോൾ ബൈക്ക് പൊലീസ് ക്ലബ്‌ കോമ്പൗണ്ടിൽ നിർത്തിയിട്ടതായിരുന്നു. ഡ്യൂട്ടികഴിഞ്ഞ് ബുധൻ രാവിലെ ബൈക്കെടുക്കാനെത്തിയപ്പോൾ നിർത്തിയിട്ടിടത്തില്ലായിരുന്നു.