വിഡിയോ വൈറലായതോടെ സംഭവം ഗൗരവം നിറഞ്ഞ വിഷയാണെന്നായിരുന്നു സോഷ്യൽമീഡിയയിൽ പലരും പ്രതികരിച്ചത്. സഹികെട്ടാണ് വിദ്യാർഥികൾ ഇത്തരത്തിൽ അധ്യാപകനെ ആക്രമിക്കാൻ ഇടയായതെന്നാണ് റിപ്പോർട്ട്. അധ്യാപകൻ പലപ്പോഴും ക്ലാസിൽ വരാറില്ല. വന്നാൽ തന്നെ മദ്യപിച്ച് എവിടെങ്കിലും വീണ് ഉറങ്ങുകയാണ് പതിവ്. ഇതിനെ ചോദ്യം ചെയ്താൽ അധ്യപകൻ തങ്ങളെ അസഭ്യം പറയുമെന്നും വിദ്യാർഥികൾ ആരോപിക്കുന്നു.

അത്തരത്തിൽ കഴിഞ്ഞ ദിവസം മദ്യപിച്ച് സ്കൂളിൽ എത്തിയ അധ്യാപകനെ വിദ്യാർഥികൾ ചെരുപ്പും കല്ലുമെറിഞ്ഞ് സ്കൂളിൽ നിന്നും ഓടിക്കുകയായിരുന്നു. വിദ്യാർഥികളുടെ ഏറ് കൊണ്ട് അധ്യാപകൻ ബൈക്കിൽ രക്ഷപ്പെടുന്നതും വിഡിയോയിൽ കാണാം. വിഡിയോയ്ക്ക് താഴെ നിരവധി ആളുകളാണ് കമന്റുമായി എത്തുന്നത്. ഇത്തരത്തിലുള്ളവർ അധ്യാപക വർഗ്ഗത്തിന് തന്നെ പേരു ദോഷമാണെന്നായിരുന്നു ഒരാളുടെ കമന്റ്. ഇതിനെതിരെ നിയമ നടപടിയുണ്ടാവണമെന്നും പലരും അഭിപ്രായപ്പെട്ടു. കൊച്ചു കുട്ടികൾ ഇത്തരത്തിൽ പ്രതികരിക്കുന്നതിന് പിന്നിലെ അപകടവും പലരും ചൂണ്ടികാട്ടി.