പൗരത്വ ഭേദഗതിക്കെതിരെ കോൺഗ്രസ് ഭരിക്കുന്ന സംസ്ഥാനങ്ങൾ പ്രമേയം പാസാക്കും..
ന്യൂഡൽഹി: പൗരത്വ നിയമ ഭേദഗതിക്കെതിരെ പ്രമേയം പാസാക്കാനൊരുങ്ങി കോണ്ഗ്രസ് ഭരിക്കുന്ന സംസ്ഥാനങ്ങള്. കേരളത്തിന് പിന്നാലെയാണ് കോണ്ഗ്രസ് ഭരിക്കുന്ന സംസ്ഥാനങ്ങളില് സിഎഎക്കെതിരെ നിയമസഭകള് പ്രമേയം പാസാക്കുന്നത്.
കോണ്ഗ്രസ് ഇടക്കാല അധ്യക്ഷ സോണിയ ഗാന്ധിയുടെ നേതൃത്വത്തില് നടന്ന വര്ക്കിംഗ് കമ്മിറ്റി യോഗത്തിലാണ് തീരുമാനം. പൗരത്വ നിയമ ഭേതഗതി പിന്വലിക്കുക, എന്പിആര് പുതുക്കല് നിര്ത്തിവെക്കുക തുടങ്ങിയ ആവശ്യങ്ങൾ കേന്ദ്രത്തോട് ഉന്നയിച്ചാണ് പ്രമേയം പാസാക്കുക.
വിദ്യാര്ത്ഥി സമരങ്ങള്ക്കെതിരെ കേന്ദ്രം സ്വീകരിക്കുന്ന നടപടിയില് പ്രതിഷേധിച്ച് വര്ക്കിംഗ് കമ്മിറ്റി പ്രമേയം പാസാക്കി. സര്ക്കാറിനെതിരെയുള്ള വിദ്യാര്ത്ഥികളുടെ സമരത്തിന് കോണ്ഗ്രസ് പിന്തുണ നല്കും.
സാമ്പത്തിക രംഗത്തെ സര്ക്കാറിന്റെ തുടര് പ്രവര്ത്തനങ്ങൾ വ്യക്തമാക്കാനും കശ്മീരിലെ മനുഷ്യാവകാശങ്ങള് പുന:സ്ഥാപിക്കണമെന്നും കോണ്ഗ്രസ് ആവശ്യപ്പെട്ടു.
