തളിപ്പറമ്പ് (www.payangadilive.in) : പോസ്റ്റ്‌മാസ്റ്ററായി ജോലിയിലിരിക്കെ ഇന്ദിരാവികാസ് പത്രികയിൽ അടക്കാൻ നൽകിയ തുക അടക്കാതെ വഞ്ചിച്ചുവെന്ന കേസിൽ ഗ്രാമപ്പഞ്ചായത്തംഗം ജയിലിൽ. ചെറുകുന്ന് പഞ്ചായത്തിലെ കോൺഗ്രസിന്റെ വാർഡംഗം മുണ്ടപ്രം കട്ടക്കുളത്തെ കൊയിലേരിയൻ കൃഷ്ണനെയാണ്‌(58) കോടതി കണ്ണൂർ സെൻട്രൽ ജയിലിലേക്കയച്ചത്‌. കേസിൽ ശിക്ഷിക്കപ്പെട്ടിട്ടും തുടർനടപടികളെടുക്കാതെയിരുന്ന ഇയാളെ വെള്ളിയാഴ്ച തളിപ്പറമ്പ് പോലീസ് അറസ്റ്റ് ചെയ്ത്‌ കോടതിയിൽ ഹാജരാക്കുകയായിരുന്നു.