വീടിന്റെ മുൻവശത്തും പിറക് വശത്തുമുള്ള വളപ്പില്‍ അമ്ബതോളം ഡ്രാഗണ്‍ ഫ്രൂട്ട് തൈകളാണ് കൃഷി ചെയ്തത്.തൈകളില്‍ നിന്ന് എടുത്ത തണ്ടുകള്‍ ഗ്രോ ബാഗുകളില്‍ വച്ചുപിടിപ്പിച്ചാണ് വില്പന നടത്തുന്നത്. പത്തനംതിട്ടയില്‍ നിന്ന് മൂന്ന് വര്‍ഷം മുമ്ബ് കൊണ്ടുവന്ന. മലേഷ്യൻ റെഡ് ഇനം തൈകള്‍ കൃഷി ചെയ്താണ് തുടക്കം. നല്ല വിധത്തില്‍ വെയില്‍ ഏല്‍ക്കുന്നിടമാണ് കൃഷിക്ക് അനുയോജ്യം.

രാവിലെ ഒരു മണിക്കൂര്‍ മാത്രമാണ് തൈകളുടെ പരിപാലനത്തിന് എടുക്കുന്ന സമയം.ആഴ്ചയില്‍ രണ്ട് തവണ മാത്രമേ വെള്ളം നല്‍കേണ്ടത് ഉള്ളു.കോഴിവളമാണ് തൈകള്‍ക്ക് നല്‍കുന്നത്.ഒരു ചെടിയില്‍ പത്ത് മുതല്‍ പതിനഞ്ചു വരെ ഡ്രാഗണ്‍ ഫ്രൂട്ടുകള്‍ വിളയും.ഐസ്ക്രീം,ജ്യൂസ് എന്നീ വിഭവങ്ങള്‍ ഉണ്ടാക്കുവാനും നേരിട്ട് കഴിക്കുവാനുമുള്ള സ്വാദിഷ്ടമായ ഒരു ഫലവര്‍ഗ്ഗമാണ് ഡ്രാഗണ്‍ ഫ്രൂട്ട്. ചെറുകുന്ന് കൃഷി ഭവന്റെ ഭാഗത്ത് നിന്ന് എല്ലാവിധ സഹായങ്ങളും നിര്‍ദേശങ്ങളും ലഭിക്കുന്നുണ്ട് എന്ന് മുഹമ്മദ് പറയുന്നു.