കണ്ണൂർ ജില്ലയിലെ പയ്യന്നൂർ പുതിയ ബസ് സ്റ്റാന്റിനെയും ദേശീയ പാത 66നെയും ബന്ധിപ്പിക്കുന്ന പെരുമ്പ സമാന്തര പാലത്തിന്റെ നിർമ്മാണം സാധ്യമാക്കാൻ ഉള്ള ശ്രമം ആണ് പൊതുമരാമത്ത് വകുപ്പ് നടത്തുന്നത് . പയ്യന്നൂരിന്റെ ഗതാഗത കുരുക്ക് അഴിക്കാൻ ഈ പാലം വലിയ നിലയിൽ സഹായകരമാകും. പദ്ധതിക്കായി 84.77 കോടി രൂപയുടെ എസ്റ്റിമേറ്റ് തയ്യാറാക്കിയിട്ടുണ്ട്. ഫണ്ടിന്റെ ലഭ്യത അനുസരിച്ച് ഏതെങ്കിലും പദ്ധതികളിൽ ഉൾപ്പെടുത്തി പാലം നിർമ്മിക്കാൻ ഭരണാനുമതി നൽകുന്നതിനുള്ള നടപടി സ്വീകരിക്കുമെന്ന് മന്ത്രി മറുപടിയിൽ അറിയിച്ചു.