ശ്രീ തിരുവർക്കാട്ട് കാവ് – മാടായിക്കാവിലെ  ഈ വർഷത്തെ പൂരമഹോത്സവത്തിന് 2021 മാർച്ച് 19ന്  കാർത്തികനാളിൽ  സഹസ്ര ദീപത്തോടെ    തുടക്കം  കുറിക്കുന്നു.  തുടര്‍ന്ന്  മാർച്ച് 27 വരെയുള്ള ഉത്സവനാളുകളിലെല്ലാം  രാവിലെ തെക്കിനാക്കല്‍  കോട്ടയിലേക്കും  തിരിച്ചു    മാടായിക്കാവിലേക്കും ദേവിയുടെ  എഴുന്നള്ളത്തും പൂരക്കളിയും ആചാരപൂര്‍വ്വം നടക്കും . മാർച്ച് 27 പൂരം നാളിൽ രാവിലെ  ഈശ്വര ചൈതന്യത്തിന്‍റെ  ജലസാന്നിദ്ധ്യമായി ഇന്നും നിലകൊള്ളുന്ന  വടുകുന്ദതടാകത്തിലെ ചരിത്രപ്രസിദ്ധമായ പൂരം കുളി .

കോവിഡ് മഹാമാരിയുടെ പശ്ചാത്തലത്തിൽ ആരോഗ്യ വകുപ്പ്, പോലീസ് അധികൃതർ എന്നിവരിൽ നിന്നും ലഭിച്ച നിർദ്ദേശങ്ങളനുസരിച്ച് ആധ്യാത്മിക കലാ-സാംസ്കാരിക പരിപാടികൾ  ഒഴിവാക്കി  ക്ഷേത്രാചാര പ്രകാരമുള്ള  ചടങ്ങുകളോടെ പൂരമഹോത്സവം നടത്തപ്പെടുകയാണ് .