ശമ്പള പരിഷ്കരണം വേണം; സ്വകാര്യ ആശുപത്രിയിലെ നഴ്സുമാര് പ്രത്യക്ഷ സമരത്തിലേക്ക്
ശമ്പള പരിഷ്കരണം ആവശ്യപ്പെട്ടു സ്വകാര്യ ആശുപത്രിയിലെ നഴ്സുമാര് പ്രത്യക്ഷ സമരത്തിലേക്ക്.
യുണൈറ്റഡ് നഴ്സസ് അസോസിയേഷന്റെ നേതൃത്വത്തില് സ്വകാര്യ ആശുപത്രിയിലെ നഴ്സസ് പണിമുടക്കും.
ഇന്ന് സെക്രട്ടറിയേറ്റ് മാര്ച്ചും സംഘടിപ്പിക്കും. തീരുമാനം എടുക്കേണ്ടത് സര്ക്കാരെന്നാണ് ആശുപത്രി മാനേജ്മെന്റുകളുടെ നിലപാട്.
കേരളത്തിലെ ഏകദേശം 490 സ്വകാര്യ ആശുപത്രികളിലെ നഴ്സുമാര് ഈ പണിമുടക്കില് പങ്കെടുക്കുമെന്ന് അറിയിച്ചു.
നഴ്സുമാരുടെ മിനിമം വേതനം വര്ദ്ധിപ്പിക്കുമെന്ന് അധികൃതര് നേരത്തെ ഉറപ്പ് ലഭിച്ചിരുന്നുവെങ്കിലും ഇതുവരെ
ഔദ്യോഗിക ഉത്തരവ് പുറത്തിറക്കിയിട്ടില്ല. ഇത് നടപ്പിലാക്കണമെന്നതാണ് പ്രധാന ആവശ്യം.
പല മാനേജ്മെന്റും ശമ്പള പരിഷ്കരണത്തിന് തയാറാണ്. എന്നാല് സംസ്ഥാന സര്ക്കാരിന്റെ ഭാഗത്തുനിന്നുള്ള ഉത്തരവാണ് വേണ്ടത്.
എല്ലാ നഴ്സമാര്ക്കും തുല്യവേതനം വേണമെന്നാണ് ആവശ്യമെന്ന് നഴ്സുമാര് പറഞ്ഞു. അടിസ്ഥാന ശമ്പളത്തില് മാറ്റമില്ലെന്നതാണ് പ്രധാന പ്രശ്നമെന്ന് നഴ്സുമാര് പറയുന്നു.
