എറണാകുളം കോതമംഗലത്ത് വൻ ലഹരിവേട്ട. 37 ഗ്രാം എംഡിഎംഎയുമായി പെൺകുട്ടിയും ആൺ സുഹൃത്തും പിടിയിലായി. ഇടുക്കി പീരുമേട് സ്വദേശിനി പതിനെട്ടുകാരി റിസാന ഫാത്തിമ, കോതമംഗലം ഇരമല്ലൂർ സ്വദേശി അനന്തു പ്രസാദ് എന്നിവരാണ് പിടിയിലായത്.

കോളജ് വിദ്യാർഥികൾക്കിടയിൽ വിതരണം ചെയ്യുന്നതിനാണ് എംഡിഎംഎ എത്തിച്ചത്. ബെംഗളുരുവിൽ നിന്നാണ് കോതമംഗലത്തെ കോളജ് വിദ്യാർഥികൾക്ക് നൽകാനായി എംഡിഎംഎ എത്തിക്കുന്നതെന്നാണ് വിവരം.

ഇടപാടുകൾക്കായി ഉപയോഗിച്ചിരുന്ന മൂന്ന് മൊബൈൽ ഫോണുകളും കസ്‌റ്റഡിയിൽ എടുത്തു.