സംസ്ഥാനത്തെ സ്വർണവിലയിൽ ഇന്നും ഇടിവ്. 880 രൂപ പവന് കുറഞ്ഞതോടെ ഇന്നത്തെ ഒരു പവന്റെ വില 1,16,160 രൂപയാണ്. ഗ്രാമിന് 110 രൂപ ഇടിഞ്ഞതോടെ 14,520 രൂപയാണ് ഗ്രാമിന് ഇന്നത്തെ വില. കഴിഞ്ഞ കുറച്ചു ദിവസമായി സ്വർണവിലയിൽ ഇടിവ് സംഭവിച്ചുകൊണ്ടിരിക്കുകയാണ്. ഇന്നലെ രാവിലെ പവന് 1,16,240 രൂപയായിരുന്ന വില വൈകുന്നേരത്തോടെ 1,17,040 രൂപയായി ഉയർന്നിരുന്നു. ആ ഉയർച്ചയിലാണ് ഇപ്പോൾ ഒരു തളർച്ച അനുഭവപ്പെട്ടിരിക്കുന്നത്.

സ്വർണവില താഴ്ന്നുതുടങ്ങിയപ്പോൾ തന്നെ വില ഇടിവ് ശാശ്വതമല്ലെന്ന് വിദഗ്ധർ മുന്നറിയിപ്പ് നൽകിയിരുന്നു. അതുകൊണ്ട് ഇപ്പോഴത്തെ കുറവിനെ അങ്ങനെ വിശ്വസിക്കാൻ കഴിയില്ല. എന്നാൽ ഇത് വിവാഹപാർട്ടികളെ അൽപ്പം ആശ്വസിപ്പിച്ചിട്ടുണ്ട്. വിലയിലെ ഏറ്റക്കുറച്ചിലുകൾ അവരെയാണ് സാരമായി ബാധിക്കാറുള്ളത്.