കോട്ടയം: കളിക്കുന്നതിനിടെ കാൽ വഴുതി കിണറ്റിൽ വീണ അഞ്ചുവയസ്സുകാരൻ രക്ഷപ്പെട്ടു. കോട്ടയം പൂവത്തുംമൂട് വെട്ടിമറ്റത്തിൽ വീട്ടിലെ ദേവദത്ത് എന്ന കുട്ടിയാണ് ഈ അപകടത്തിൽ നിന്ന് അവിശ്വസനീയമായി രക്ഷപ്പെട്ടത്.

കളിക്കുന്നതിനിടെ കൈവരിയില്ലാത്ത കിണറിൻ്റെ സമീപത്ത് വെച്ച് കുട്ടി കാൽ വഴുതി കിണറിലേക്ക് വീഴുകയായിരുന്നു. എന്നാൽ, കിണറ്റിൽ നിന്ന് വെള്ളം കോരാൻ ഉപയോഗിച്ചിരുന്ന കയറിൽ തൂങ്ങിക്കിടക്കാൻ കുട്ടിക്ക് കഴിഞ്ഞു. കുട്ടിയുടെ നിലവിളി കേട്ട് ഓടിയെത്തിയ നാട്ടുകാരാണ് ചേർന്ന് കുട്ടിയെ സുരക്ഷിതമായി പുറത്തെത്തിച്ചത്.