തിരുവനന്തപുരത്ത് ഓട്ടോറിക്ഷ മറിഞ്ഞ് സ്കൂൾ വിദ്യാർത്ഥിനി മരിച്ചു.കടയ്ക്കാവൂർ എസ് എസ് പി ബി ഹയർസെക്കണ്ടറി സ്‌കൂളിലെ ആറാം ക്ലാസ് വിദ്യാർത്ഥിനിയായ സഖീ ജെ പി ആണ് മരിച്ചത്. ഇന്ന് വൈകുന്നേരം 3 മണിക്കായിരുന്നു അപകടം. സ്ളിൽ പിടിഎ മീറ്റിംഗ് കഴിഞ്ഞ് അച്ഛനും അമ്മയ്ക്കുമൊപ്പം ഓട്ടോയിൽ മടങ്ങുന്ന വഴിയ്ക്കായിരുന്നു അപകടം.

സഖിയുടെ അച്ഛൻ ജോൺ പോളായിരുന്നു ഓട്ടോ ഓടിച്ചിരുന്നത്. കടയ്ക്കാവൂർ ഓവർ ബ്രിഡ്ജിൽ വെച്ച് ഓട്ടോറിക്ഷയ്ക്ക് മുന്നിലേക്ക് നായ ചാടുകയായിരുന്നു. പിന്നാലെ നിയന്ത്രണം വിട്ട് ഓട്ടോ മറിഞ്ഞു. ഓട്ടോ മറിഞ്ഞു കുട്ടിയുടെ പുറത്തു വീണതാണ് മരണത്തിനിടയാക്കിയത്. അപകടത്തിൽ പരിക്കേറ്റ മാതാപിതാക്കൾ മെഡിക്കൽ കോളേജിൽ ചികിത്സയിലാണ്.