Kerala
അനസ്തേഷ്യ നല്കിയതിന് പിന്നാലെ നാലുവയസുകാരന് മരിച്ചു; അസ്വാഭാവിക മരണത്തിന് കേസെടുത്തു
2 Jun 20241 മിനിറ്റ് വായന
കളിക്കുന്നതിനിടെ വായില് കമ്പു കൊണ്ട് മുറിഞ്ഞതിനെത്തുടര്ന്നാണ് മൂന്നര വയസുകാരനെ ആശുപത്രിയില് പ്രവേശിപ്പിച്ചത്. മുറിവിനു തുന്നലിടാനായി അനസ്തേഷ്യ നല്കണമെന്നായിരുന്നു ഡോക്ടര്മാരുടെ നിര്ദേശം. അനസ്തേഷ്യ നല്കി അല്പ്പസമയത്തിനു ശേഷം കുഞ്ഞ് മരിച്ചു.
കുട്ടിയുടെ മരണകാരണം ചികിത്സാ പിഴവാണെന്നാരോപിച്ച് ബന്ധുക്കള് ആശുപത്രിയില് പ്രതിഷേധിച്ചു. അതേ സമയം ചികിത്സാ പിഴവുണ്ടായിട്ടില്ലെന്നായിരുന്നു ആശുപത്രി അധികൃതരുടെ വിശദീകരണം. പ്രോട്ടോക്കോള് പ്രകാരമുള്ള ചികിത്സകളാണ് കുഞ്ഞിനു നല്കിയതെന്നുമാണ് ആശുപത്രി അധികൃതര് അറിയിച്ചത്.
