Kerala
രാഹുലിനെ രാജ്യം വിടാന് സഹായിച്ചു, പൊലീസ് ഉദ്യോഗസ്ഥനെ സസ്പെന്ഡ് ചെയ്തു
19 May 20241 മിനിറ്റ് വായന
പ്രതി രാഹുലിന് രക്ഷപ്പെടാന് ഉള്ള നിര്ദ്ദേശങ്ങള് നല്കിയത് ശരത് ലാല് ആണെന്ന് അന്വേഷണത്തില് കണ്ടെത്തി. സംഭവ ദിവസം സിപിഒ ശരത് ലാല് പന്തീരാങ്കാവ് സ്റ്റേഷനിലെ ജി ഡി ഡ്യൂട്ടിയിലായിരുന്നു. വധശ്രമ കുറ്റം ചുമത്താനുളള നീക്കം അടക്കം ഇയാള് രാഹുലിനെ അറിയിച്ചു.
ഗാര്ഹിക പീഡന പരാതിക്ക് പിന്നാലെ പൊലീസ് അന്വേഷണത്തിലെ നിര്ണായക വിവരങ്ങളും ശരത് ലാല് ചോര്ത്തി നല്കി. പൊലീസിന്റെ കണ്ണില് പെടാതെ ചെക്ക് പോസ്റ്റ് കടക്കണം എന്നും നിര്ദ്ദേശിച്ചു. ശരത് ലാലിന്റെ ഫോണ് രേഖകള് പൊലീസ് പരിശോധിച്ചു. കഴിഞ്ഞ ദിവസം അറസ്റ്റിലായ രാജേഷിന്റെ അടുത്ത സുഹൃത്തു കൂടിയാണ് ശരത് ലാല് എന്ന പൊലീസുകാരന്. രാഹുലും രാജേഷും ബംഗളൂരുവിലേക്ക് പോകുന്ന വഴിക്ക് ഇയാളുമായി കൂടിക്കാഴ്ച നടത്തിയതായും അന്വേഷണത്തില് കണ്ടെത്തി.
