ആമസോൺ വനത്തിൽ വിനോദസഞ്ചാരികളുമായി പോയ ചെറുവിമാനം തകർന്നുവീണ് 14 പേർ കൊല്ലപ്പെട്ടു. 12 വിനോദസഞ്ചാരികളും രണ്ട് വിമാനജീവനക്കാരുമാണ് കൊല്ലപ്പെട്ടത്. ബ്രസീലിന്റെ ഭാഗമായ ആമസോൺ വനത്തിന്റെ ഭാഗത്താണ് വിമാനാപകടമുണ്ടായത്. ശക്തമായ മഴയെത്തുടർന്ന് ടൂറിസ്റ്റ് നഗരമായ ബാർസലോസിൽ ലാൻഡ് ചെയ്യാൻ ശ്രമിക്കുന്നതിനിടെയാണ് അപകടമുണ്ടായത്.ബ്രസീലിയൻ വിമാന നിർമാതാക്കളായ എംബ്രേറിന്റെ ഇരട്ട എൻജിൻ വിമാനം ഇഎംബി 110 ആണ് അപകടത്തിൽപ്പെട്ടത്. അപകടം സംബന്ധിച്ച് ബ്രസീലിയൻ എയർ ഫോഴ്‍സും പൊലീസും അന്വേഷണം നടത്തും.