Kerala
പട്ടാമ്പി വല്ലപ്പുഴയില് യുവതി പൊള്ളലേറ്റ് മരിച്ചു; രണ്ടുമക്കള് ആശുപത്രിയില്
7 Apr 20241 മിനിറ്റ് വായന
ഭര്ത്താവ് പ്രദീപിന്റെ വീട്ടില്വെച്ച് ഞായറാഴ്ച പുലര്ച്ചെയാണ് സംഭവം നടന്നത്. മുറിയുടെ അകത്തുനിന്നും വാതില് പൂട്ടിയ നിലയിലായിരുന്നു. സംഭവസമയത്ത് പ്രദീപിന്റെ മാതാപിതാക്കളാണ് വീട്ടിലുണ്ടായിരുന്നത്. മുറിയില്നിന്ന് നിലവിളി കേട്ട് വീട്ടുകാര് ചെന്നപ്പോഴാണ് സംഭവമറിയുന്നത്.
തുടര്ന്ന് അയല്വീട്ടുകാര് എത്തി വാതില് പൊളിച്ചാണ് അകത്തുകടന്നത്. ഉടന്തന്നെ ആശുപത്രിയില് എത്തിച്ചെങ്കിലും ബീന മരിക്കുകയായിരുന്നു. മക്കള് രണ്ടുപേരും തൃശ്ശൂര് മെഡിക്കല് കോളേജ് ആശുപത്രിയില്
ചികിത്സയിലാണ്.
സംഭവ സമയം പ്രദീപ് വടകരയിലെ ജോലിസ്ഥലത്തായിരുന്നു എന്നാണ് പ്രാഥമിക അന്വേഷണത്തില് വ്യക്തമായിട്ടുള്ളത്. ആത്മഹത്യാ കുറിപ്പ് കണ്ടെത്തിയതായും നാട്ടുകാര് പറയുന്നു. പട്ടാമ്പി പോലീസ് സ്ഥലത്തെത്തി മേല്നടപടികള് സ്വീകരിച്ചു. മരണകാരണം സംബന്ധിച്ച് അന്വേഷണം നടത്തിവരികയാണെന്ന് പട്ടാമ്പി പോലീസ് അറിയിച്ചു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. Toll free helpline number: 1056, 0471-2552056).
