Kerala
പരീക്ഷ തീരും മുന്പെ അടുത്ത വര്ഷത്തെ പാഠപുസ്തക വിതരണം തുടങ്ങി; പുതുചരിത്രമെന്ന് വി ശിവന്കുട്ടി
12 Mar 20241 മിനിറ്റ് വായന
സംസ്ഥാനത്ത് ആദ്യമായാണ് അധ്യയനവര്ഷം അവസാനിക്കും മുന്പ് അടുത്ത അധ്യയന വര്ഷത്തെ പാഠപുസ്തകങ്ങള് പുറത്തിറക്കുന്നത്. അധ്യയന വര്ഷം ആരംഭിക്കുന്നതിനു മുന്പ് തന്നെ അവധിക്കാലത്ത് കുട്ടികള്ക്ക് അടുത്ത ക്ലാസിലെ പാഠ ഭാഗങ്ങള് പരിചപ്പെടുത്തുന്നതിനു വേണ്ടിയും പത്താം ക്ലാസിലേക്ക് പ്രവേശിക്കുന്ന കുട്ടികള്ക്ക് തയ്യാറെടുപ്പ് നടത്തുന്നതിനു വേണ്ടിയുമാണ് പുസ്തക വിതരണം നേരത്തെ ആക്കിയത്.
പഴയ പുസ്തകങ്ങള് തന്നെ ആയതിനാലാണ് 2,4,6,8,10 ക്ലാസുകളിലേക്കുള്ള പാഠ പുസ്തകങ്ങള് ആദ്യം വിതണം ചെയ്തത്. പാഠ്യ പദ്ധതി പരിഷ്കരണത്തിന്റെ ഭാഗമായി തയ്യാറാക്കിയ പുതിയ പുസ്തകങ്ങള്ക്ക് സംസ്ഥാന സ്കൂള് കരിക്കുലം സ്റ്റിയറിങ് കമ്മിറ്റി അംഗീകാരം നല്കിയിരുന്നു. പുതിയ പാഠ പുസ്തകങ്ങളില് ഭരണഘടനയുടെ ആമുഖം ചേര്ത്തതടക്കം നിരവധി പ്രത്യേകതയുണ്ട്.
