ഭരണഘടന ഇന്ത്യയുടെ ജീവനാണെന്നും ഭരണഘടനയുടെ ഹൃദയമായ മതേതരത്വത്തെ കാത്തുസൂക്ഷിക്കേണ്ടത് ഓരോ പൗരന്റെയും കടമയാണെന്നും അദ്ദേഹം പറഞ്ഞു.

വി.കെ.പ്രശാന്ത് എം.എൽ.എ. അധ്യക്ഷനായി. സംസ്ഥാന പോലീസ് മേധാവി ഷേഖ് ദർവേഷ് സാഹിബ്, എസ്.പി.സി. നോഡൽ ഓഫീസർ ഡി.ഐ.ജി. ആർ.നിശാന്തിനി, ഐ.ജി. സ്പർജൻ കുമാർ തുടങ്ങിയവർ സംസാരിച്ചു. 615 കേഡറ്റുകൾ പങ്കെടുക്കുന്ന ക്യാമ്പിൽ ഐ.എസ്.ആർ.ഒ. ചെയർമാൻ എസ്.സോമനാഥ് അടക്കമുള്ള പ്രമുഖരുമായുള്ള സംവാദം, സംസ്ഥാനതല ക്വിസ് മത്സരം, ഫീൽഡ് വിസിറ്റുകൾ, പരിശീലന ക്ലാസുകൾ എന്നിവയുണ്ടാകും.

ഫെബ്രുവരി എട്ടിനു നടക്കുന്ന സംസ്ഥാനതല ക്വിസ് മത്സരം ജി.എസ്.പ്രദീപ് നയിക്കും. സന്തോഷ് ജോർജ് കുളങ്ങര മുഖ്യാതിഥിയാവും.

ഫെബ്രുവരി 11-ന് രാവിലെ എട്ടിന് എസ്.എ.പി. ഗ്രൗണ്ടിൽ നടക്കുന്ന സെറിമോണിയൽ പരേഡിൽ ധനമന്ത്രി കെ.എൻ.ബാലഗോപാൽ അഭിവാദ്യം സ്വീകരിക്കും. വൈകീട്ട് നാലിനു നടക്കുന്ന സമാപനച്ചടങ്ങ് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.