കോഴിക്കോട്: കുടുംബ സംഗമ ചടങ്ങില്‍ പങ്കെടുക്കാനെത്തിയ മൂന്നര വയസ്സുകാരന് കിണറില്‍ വീണ് ദാരുണാന്ത്യം. മലപ്പുറം കാളികാവ് സ്രാമ്പിക്കല്‍ പരപ്പന്‍ വീട്ടില്‍ റഷീദിന്റെ മകന്‍ മുഹമ്മദ് ഐജിന്‍ ആണ് മരിച്ചത്. ഇന്നലെ രാത്രി എട്ടോടെയാണ് അപകടം നടന്നത്. കൊടുവള്ളി-ഓമശ്ശേരി റോഡില്‍ ഓമശ്ശേരി ടൗണിന് സമീപമുള്ള റോയാദ് ഫാം ഓഡിറ്റോറിയത്തിലാണ് കുടുംബ സംഗമം നടന്നിരുന്നത്. പരിപാടികള്‍ നടന്നുകൊണ്ടിരിക്കേ കുട്ടിയെ കാണാതായതിനെ തുടര്‍ന്ന് രക്ഷിതാക്കളും ബന്ധുക്കളും തിരച്ചില്‍ നടത്തുകയായിരുന്നു. ഇതിനിടയിലാണ് ഓഡിറ്റോറിയത്തിന് പിന്നിലുള്ള കിണറില്‍ വീണ നിലയില്‍ കണ്ടത്.