Kerala
നവകേരള സദസ്: മുഖ്യമന്ത്രിക്ക് സുരക്ഷ വര്ധിപ്പിച്ചു; പ്രതിഷേധ മാര്ച്ച് നടത്തുമെന്ന് യൂത്ത് കോണ്ഗ്രസ്
21 Nov 20231 മിനിറ്റ് വായന
നവകേരള സദസ്സില് വീണ്ടും പ്രതിഷേധം ഉണ്ടാകാനുള്ള സാധ്യത കണക്കിലെടുത്ത് മുഖ്യമന്ത്രി പിണറായി വിജയന് സുരക്ഷ വര്ധിപ്പിച്ചു. പരിപാടി നടക്കുന്ന സ്ഥലത്തും നവകേരള സദസ് യാത്രയിലും കൂടുതല് പൊലീസിനെ വിന്യസിക്കും.
അതേസമയം നവകേരള സദസ് വേദിയിലേക്ക് മാര്ച്ച് നടത്തുമെന്ന് യൂത്ത് കോണ്ഗ്രസ് പ്രഖ്യാപിച്ചിട്ടുണ്ട്. രാവിലെ 11 ന് കണ്ണൂര് കലക്ടറേറ്റ് മൈതാനിയില് നടക്കുന്ന നവകേരള സദസിലേക്ക് മാര്ച്ച് നടത്തുമെന്നാണ് പ്രഖ്യാപനം. കരിങ്കൊടി കാണിച്ച യൂത്ത് കോണ്ഗ്രസ് പ്രവര്ത്തകരെ ഡിവൈഎഫ്ഐക്കാര് മര്ദ്ദിച്ചതില് പ്രതിഷേധിച്ചാണ് മാര്ച്ച്.
