Kerala
തിരുവനന്തപുരം-എറണാകുളം ട്രെയിനുകളുടെ വേഗം അടുത്തവർഷം 110 കിലോമീറ്ററാകും
30 Nov 20231 മിനിറ്റ് വായന
മണിക്കൂറിൽ 90 കിലോമീറ്ററാണ് ഈ സെക്ഷനിൽ ട്രെയിനുകളുടെ ഇപ്പോഴത്തെ വേഗം. ട്രാക്കിൽ 40 സെന്റിമീറ്റർ മുതൽ ഒരുമീറ്റർവരെയുള്ള ചെറുവളവുകളാണ് നിവർത്തുന്നത്. ട്രെയിനുകളുടെ വേഗംകൂട്ടാൻ സിഗ്നലുകളുടെ നവീകരണം, പാലങ്ങൾ ബലപ്പെടുത്തൽ, ട്രാക്ക് മെറ്റലിട്ട് ഉയർത്തൽ എന്നിവയും ഇതിനൊപ്പം നടക്കുന്നുണ്ട്.
ദക്ഷിണ റെയിൽവേയിലാകെ 1412 കിലോമീറ്റർ ദൂരമാണ് 110 കിലോമീറ്റർ വേഗത്തിലേക്ക് ഉയർത്താൻ ഉദ്ദേശിക്കുന്നത്. ഇതിൽ 187 കിലോമീറ്റർ ദൂരത്തിൽ ഈ വേഗം സാധ്യമാക്കി. ബാക്കിയുള്ള 1225 കിലോമീറ്റർ ദൂരം നാലുഘട്ടങ്ങളിലായി അടുത്തവർഷം പൂർത്തിയാക്കും.
ചെറുവളവുകളുടെ എണ്ണം ഇങ്ങനെ
തിരുവനന്തപുരം-കായംകുളം-22,
കായംകുളം-ആലപ്പുഴ-എറണാകുളം സൗത്ത്-10
എറണാകുളം സൗത്ത്-കോട്ടയം-കായംകുളം-22
നവീകരണമടക്കമുള്ള ജോലികൾ നടക്കുന്ന സെക്ഷനുകൾ
തിരുവനന്തപുരം-കായംകുളം-104.5 കി.മീ.
കായംകുളം-ആലപ്പുഴ-എറണാകുളം സൗത്ത്-100.34
എറണാകുളം സൗത്ത്-കോട്ടയം-കായംകുളം-114.66 കിലോമീറ്റർ
അടുത്തലക്ഷ്യം 130 കിലോമീറ്റർ വേഗം
തിരുവനന്തപുരത്തുനിന്ന് മംഗലാപുരംവരെ 2027-ഓടെ വേഗം 130 കിലോമീറ്റർ എത്തിക്കുകയാണ് ലക്ഷ്യം. ഇതിനായി വലിയ വളവുകൾ നികത്തുന്നതിനു സർവേ നടപടി തുടങ്ങിയിട്ടുണ്ട്.
