കണ്ണൂർ: തിരഞ്ഞെടുപ്പിന് മുന്നോടിയായി കണ്ണൂർ ജില്ലയിൽ ഇന്ന് (ചൊവ്വാഴ്ച) വൈകിട്ട് 6 മണി മുതൽ നിരോധനാജ്ഞ പ്രഖ്യാപിച്ച് ജില്ലാ കളക്ടർ അരുൺ കെ. വിജയൻ ഉത്തരവിട്ടു. വ്യാഴാഴ്ച അർദ്ധരാത്രി 12 മണി വരെയാണ് ജില്ലയിൽ നിരോധനാജ്ഞ ഏർപ്പെടുത്തിയിരിക്കുന്നത്.

നിരോധനാജ്ഞ നിലനിൽക്കുന്ന സമയങ്ങളിൽ ജില്ലയിൽ അനധികൃതമായി കൂട്ടംകൂടുന്നതും പൊതുയോഗങ്ങൾ സംഘടിപ്പിക്കുന്നതും കർശനമായി നിരോധിച്ചതായി കളക്ടർ അറിയിച്ചു. തിരഞ്ഞെടുപ്പുമായി ബന്ധപ്പെട്ട സമാധാനാന്തരീക്ഷം നിലനിർത്തുന്നതിന്റെയും സുരക്ഷാ ക്രമീകരണങ്ങളുടെയും ഭാഗമായാണ് ഈ നടപടി. നിയമലംഘനം നടത്തുന്നവർക്കെതിരെ പോലീസിന്റെ ഭാഗത്തുനിന്ന് കർശന നടപടികൾ സ്വീകരിക്കുമെന്ന് അധികൃതർ മുന്നറിയിപ്പ് നൽകിയിട്ടുണ്ട്.