പാപ്പിനിശ്ശേരി മേൽപ്പാലത്തിലെ അറ്റകുറ്റപ്പണികൾ വേഗത്തിൽ പുരോഗമിക്കുകയാണ്. കെ.വി സുമേഷ് എം.എൽ.എ മേൽപ്പാലം സന്ദർശിച്ച് പ്രവൃത്തികൾ വിലയിരുത്തുകയും പണികൾ വേഗത്തിലാക്കാൻ ഉദ്യോഗസ്ഥർക്ക് നിർദേശം നൽകുകയും ചെയ്തു.

നിലവിലെ ടാറിംഗ് പാളി ജെ.സി.ബി ഉപയോഗിച്ച് പൂർണമായും ഇളക്കിമാറ്റിയുള്ള പരിശോധനയിൽ ആദ്യം കണക്കാക്കിയതിലും ഇരട്ടി കേടുപാടുകൾ കണ്ടെത്തിയിട്ടുണ്ട്. അതിനാൽ വളരെ വ്യാപകമായ അറ്റകുറ്റപ്പണികളാണ് ഇപ്പോൾ നടക്കുന്നത്. പണികൾ വേഗത്തിൽ പൂർത്തിയാക്കി മാർച്ച് 25-ഓടെ പാലം തുറന്നുകൊടുക്കാൻ സാധിക്കുമെന്നാണ് പി.ഡബ്ല്യു.ഡി അധികൃതർ അറിയിക്കുന്നത്.