ന്യൂമാഹി ഇരട്ടക്കൊലക്കേസ്; കൊടി സുനി അടക്കം മുഴുവന് പ്രതികളെയും വെറുതെ വിട്ടു
തലശ്ശേരി :ബിജെപി-ആര്എസ്എസ് പ്രവര്ത്തകരായ വിജിത്ത്, ഷിനോജ് എന്നിവരെ ന്യൂമാഹിയില് ബൈക്ക് തടഞ്ഞുനിര്ത്തി ബോംബെറിഞ്ഞ് വെട്ടിക്കൊലപ്പെടുത്തിയ കേസില് എല്ലാ പ്രതികളെയും കോടതി വെറുതെ വിട്ടു. തലശ്ശേരി അഡീഷണല് ജില്ല സെഷന്സ് കോടതിയുടെതാണ് വിധി. തെളിവുകളില്ലെന്ന് ചൂണ്ടിക്കാട്ടിയാണ് ഉത്തരവ്. കേസില് പതിനഞ്ച് വര്ഷത്തിന് ശേഷമാണ് കോടതി വിധി പറഞ്ഞത്.
ടിപി ചന്ദ്രശേഖരന് കൊലക്കേസില് ശിക്ഷിക്കപ്പെട്ട് ജയിലില് കഴിയുന്ന കൊടി സുനി, മുഹമ്മദ് ഷാഫി, ഷിനോജ് എന്നിവര് ഉള്പ്പെടെ 16 സിപിഎം പ്രവര്ത്തകരാണ് കേസിലെ പ്രതികള്. ഇതില് രണ്ടുപേര് വിചാരണക്കിടെ മരിച്ചു. ഈ കേസില് കുറ്റപത്രത്തില് ആരോപിക്കപ്പെട്ട കുറ്റങ്ങളൊന്നും സംശായതീതമായി തെളിയിക്കാനായില്ലെന്നതിന്റെ അടിസ്ഥാനത്തില് മുഴുവന് പ്രതികളെയും കുറ്റക്കാരല്ലെന്ന് കണ്ട് വെറുതെ വിടുകയായിരുന്നെന്ന് പ്രതികള്ക്ക് വേണ്ടി ഹാജരായ അഭിഭാഷകന് സികെ ശ്രീധരന് മാധ്യമങ്ങളോട് പറഞ്ഞു.
