തളിപ്പറമ്പ :പട്ടുവം സ്വദേശിയായ അനുശ്രീയുടെ 8 വയസ്സ് പ്രായമുള്ള മകൾ ദീപ്തയുടെ കൈയിൽ അണിഞ്ഞ അര പവൻ തൂക്കമുള്ള ബ്രേസ്‌ലറ്റ് 02.10.2025 തിയ്യതി വൈകുന്നേരം 04.30 മണിയോടെ തളിപ്പറമ്പ് മാർക്കറ്റിനു സമീപം വെച്ച് നഷ്ടപ്പെട്ടുപോയിരുന്നു. ഈ സ്വര്‍ണ്ണാഭരണം തളിപ്പറമ്പ മാർക്കറ്റിലെ വ്യാപാരികളായ ഹബീബ്.പി.പി, മുഹമ്മദ്‌ കുഞ്ഞി.സി.കെ, മജീദ്, എന്നിവർക്ക് മാർക്കറ്റിൽ വെച്ച് വീണു കിട്ടുകയുണ്ടായി. ഇവര്‍  സ്വര്‍ണ്ണാഭരണം തളിപ്പറമ്പ പോലിസ് സ്റ്റേഷനിൽ ഹാജരാക്കി. തളിപ്പറമ്പ സ്റ്റേഷനിലെ പോലീസ് ഉദ്യോഗസ്ഥര്‍ നടത്തിയ ഊര്‍ജ്ജിത അന്വേഷണത്തില്‍ ഉടമയെ കണ്ടെത്തുകയും തുടന്ന് പൊലീസിന്‍റെ സാന്നിധ്യത്തില്‍ സ്റ്റേഷനിൽ വെച്ച് ദീപ്ത എന്ന പെൺകുട്ടിക്ക് മൂവരും ചേര്‍ന്ന് സ്വര്‍ണ്ണാഭരണം  കൈമാറി.