കണ്ണൂർ: ഡോക്ട‌ർ നിർദ്ദേശിച്ച മരുന്നിന് പകരം മറ്റൊരു മരുന്ന് ഉപേക്ഷാപൂർവ്വം മാറി നൽകിയതിന് മെഡിക്കൽ ഷോപ്പ് ജീവനക്കാരനെതിരെ പോലീസ് കേസെടുത്തു.

കണ്ണൂർ ആശ്രയ മെഡിക്കൽസിലെ ജീവനക്കാരൻ പ്രസൂണിന്റെ പേരിലാണ് കണ്ണൂർ ടൗൺപോലീസ് കേസെടുത്തത്.

തളിപ്പറന് കുപ്പം വൈര്യാംകോട്ടത്തെ പുതിയപുരയിൽ വീട്ടിൽ ബാബുരാജിന്റെ ഭാര്യ കെ.പി.ഷൈമയുടെ പരാതിയിലാണ് കേസ്.

ആഗസ്റ്റ് മാസം 6 ന് ഷൈമ ആശ്രയ മെഡിക്കൽസിൽ നിന്നും വാങ്ങിയ മരുന്ന് ഡോക്‌ടർ എഴുതിയതിന് പകരം വേറൊരു മരുന്നായിരുന്നു.

ഇത് കഴിച്ച ഷൈമ അസുഖം ബാധിച്ച് ചികിൽസയിലാകേണ്ടി വന്നു എന്നാണ് പരാതി.