ചന്തേര : ചെറുവത്തൂർ റെയിൽവെ മേൽപ്പാലത്തിനടിയിൽ പാർക്ക് ചെയ്ത ബൈക്ക് മോഷ്ടിച്ചു കടന്നു കളഞ്ഞ മോഷ്ടാവ് പിടിയിൽ. തൃക്കരിപ്പൂർ പേക്കടത്തെ സി.ഇസ്മായിൽ (38) നെയാണ് ചന്തേര സ്റ്റേഷൻ ഇൻസ്പെക്ടർ കെ. പ്രശാന്തിൻ്റെ നേതൃത്വത്തിൽ ജൂനിയർ എസ്. ഐ. മുഹമ്മദ് മുഹ്സിനും സംഘവും അറസ്റ്റ് ചെയ്തത്. ഈ മാസം ആറിന് പയ്യന്നൂർ വെള്ളൂരിൽ താമസിക്കുന്ന മാട്ടൂൽ സ്വദേശി മുഫീദ് മുസ്തഫയുടെ ഉടമസ്ഥതയിലുള്ള കെ.എൽ. 59.ബി. 8138 നമ്പർ ബൈക്ക് പ്രതി മോഷ്ടിച്ചു കൊണ്ടുപോയത്. ഇയാൾ കാസറഗോട്ടേക്ക് ട്രെയിനിൽ പോകുന്നതിനായി ബൈക്ക് പാർക്ക് ചെയ്തതായിരുന്നു. പ്രതി

മോഷ്ടിച്ച ബൈക്ക് തൃക്കരിപ്പൂർ ആയിറ്റിയിലെ ആക്രി കടയിൽ വില്പന നടത്തി പണം വാങ്ങി സ്ഥലം വിടുകയായിരുന്നു. ബൈക്ക് ഉടമ മുഫീദ് മുസ്തഫയുടെ പരാതിയിൽ കേസെടുത്ത ചന്തേര പോലീസ് അന്വേഷണത്തിൽ പ്രദേശത്തെ നിരീക്ഷണ ക്യാമറകൾ പരിശോധനനടത്തിയപ്പോഴാണ് പ്രതിയെ തിരിച്ചറിഞ്ഞ് പിടികൂടാനായത്.