Kannur
എയര് ഹോസ്റ്റസിനെ സ്വര്ണം കടത്താന് നിയോഗിച്ചത് മലയാളി; തില്ലങ്കേരി സ്വദേശിയായ കാബിന് ക്രൂ അറസ്റ്റില്
31 May 20241 മിനിറ്റ് വായന
ഇന്റലിജന്സ് വിവരത്തിന്റേയും തെളിവുകളുടേയും അടിസ്ഥാനത്തിലാണ് അറസ്റ്റ്. ജുഡീഷ്യല് മജിസ്ട്രേറ്റിന് മുന്നില് ഹാജരാക്കുന്ന സുഹൈലിനായി ഡിആര്ഐ റിമാന്ഡ് അപേക്ഷ നല്കും.
മസ്കത്തില്നിന്ന് എയര്ഇന്ത്യ എക്സ്പ്രസിന്റെ ഐഎക്സ് 714 വിമാനത്തില് കണ്ണൂരിലെത്തിയ സുരഭി ഖത്തൂണില്നിന്ന് 960 ഗ്രാം സ്വര്ണ്ണം കഴിഞ്ഞ ചൊവ്വാഴ്ച പിടിച്ചെടുത്തിരുന്നു. 65 ലക്ഷം രൂപയുടെ സ്വര്ണ്ണമാണ് പിടിച്ചെടുത്തതത്. റിമാന്ഡിലുള്ള സുരഭി നിലവില് കണ്ണൂര് വനിതാ ജയിലിലാണ്. മുമ്പ് പലതവണ സുരഭി സ്വര്ണ്ണം കടത്തിയതായി ഡിആര്ഐക്ക് തെളിവുകള് ലഭിച്ചിരുന്നു.
