Kannur
HomeNews

വീട്ടിൽ നിന്നും എട്ടര പവൻ്റെ ആഭരണങ്ങൾ മോഷണം പോയി

22 Feb 20241 മിനിറ്റ് വായന
വീട്ടിൽ നിന്നും എട്ടര പവൻ്റെ ആഭരണങ്ങൾ  മോഷണം പോയി


പയ്യന്നൂർ: വിവാഹം നടന്ന വീട്ടിൽ നിന്നും എട്ടര പവൻ്റെ ആഭരണങ്ങൾ കവർന്നു. കുഞ്ഞിമംഗലം താമരക്കുളങ്ങരയിലെ കുന്നുമ്മൽ വീട്ടിൽ ഭാസ്കരൻ മാസ്റ്ററുടെ വീട്ടിൽ നിന്നാണ് ആഭരണങ്ങൾ മോഷണം പോയത്. കിടപ്പുമുറിയിലെ അലമാരയിൽ സൂക്ഷിച്ച വളകളും കമ്മലുകളും ഉൾപ്പെടെയുള്ള ആഭരണങ്ങളാണ് മോഷണം പോയത്.
ഇക്കഴിഞ്ഞ 18 ന് ഞായറാഴ്ചവീട്ടിൽ വിവാഹം നടന്നിരുന്നു. ഇന്നലെ മുകളിലേത്തെ നിലയിലെ വാതിൽ കുത്തിതുറന്നാണ് മോഷ്ടാവ് ആഭരണങ്ങൾ കവർന്നതെന്ന് സംശയിക്കുന്നു.ഭാസ്കരൻ മാസ്റ്ററുടെ ഭാര്യ കെ.സുധയുടെ പരാതിയിൽ
പയ്യന്നൂർ പോലീസ് കേസെടുത്ത് അന്വേഷണം തുടങ്ങി.

ഈ വാർത്ത മറ്റുള്ളവരുമായി പങ്കുവെക്കുക