Kannur
കണ്ണൂർ കെ എസ് ആർ ടി സിയുടെ വിനോദ യാത്രകൾക്ക് പ്രിയമേറുന്നു
28 Feb 20241 മിനിറ്റ് വായന
കണ്ണൂർ : ആനവണ്ടി വിനോദയാത്ര സഞ്ചാരികൾക്ക് പ്രിയമേറുന്നു. കെ എസ് ആർ ടി സി കണ്ണൂർ ബജറ്റ് ടൂറിസത്തിന്റെ നേതൃത്വത്തിൽ നടത്തുന്ന വിനോദ യാത്ര ജില്ലയിൽ രണ്ട് വർഷത്തിനിടെ 400 എണ്ണം പിന്നിട്ടു.
രണ്ടര കോടി രൂപ വരുമാനവും നേടി. പ്രധാനമായും മൂന്ന് ദ്വിദിന പാക്കേജും നാല് ഏകദിന പാക്കേജുകളുമാണ് കണ്ണൂർ ഡിപ്പോക്ക് കീഴിൽ നടത്തുന്നത്.
മാർച്ച് ഏഴ്, 28 തീയതികളിൽ ഗവിയിലേക്കും വാഗമൺ- മൂന്നാറിലേക്കും മൂന്നാർ- കാന്തല്ലൂരിലേക്കും യാത്രയുണ്ട്. യഥാക്രമം 10-നും 31-നും തിരിച്ച് എത്തും.
ഗവി യാത്ര വൈകിട്ട് അഞ്ചിന് പുറപ്പെടും. പാക്കേജിൽ താമസവും ഭക്ഷണവും ലഭിക്കും. വാഗമൺ -മൂന്നാർ യാത്ര വൈകീട്ട് ഏഴിന് പുറപ്പെടും.
