കണ്ണൂർ : ശുചിത്വ മാലിന്യ പരിപാലന രംഗത്തെ നിയമലംഘനങ്ങൾ അന്വേഷിക്കുന്ന ജില്ലാ എൻഫോഴ്സ്മെന്റ് സ്ക്വാഡ് നടത്തിയ പരിശോധനയിൽ കണ്ണൂർ കൊയിലി ഹോസ്പിറ്റലിൽ ജൈവ അജൈവ മാലിന്യങ്ങൾ തരം തിരിക്കാതെ കത്തിക്കുന്നതായി കണ്ടെത്തി. ആശുപത്രിയുടെ ടെറസ്സിൽ സ്ഥാപിച്ച ഇൻസിനറേറ്ററിൽ വെച്ച് മെഡിക്കൽ മാലിന്യങ്ങൾ ഉൾപ്പെടെ ആരോഗ്യത്തിന് ഹാനികരമായ രീതിയിൽ കത്തിക്കുന്നത് ആണ് കണ്ടത്. ആശുപത്രി അധികൃതർക്ക് മുൻസിപ്പൽ ആക്ട് പ്രകാരം 25000 രൂപ പിഴ ചുമത്തി.