രോഗികളെയും കൂട്ടിരിപ്പുകാരെയും കർശനനിയന്ത്രണത്തോടെ പ്രത്യേക വഴിയിലൂടെയാണ് കടത്തിവിടുന്നത്. പൊതുജനങ്ങളെ പൂർണമായും പരിസരത്തുനിന്ന് മാറ്റി. രണ്ട് ആംബുലൻസുകളുമായാണ് നിരവധി പോലീസ് വാഹനങ്ങളുടെ അകമ്പടിയോടെ പരിക്കേറ്റ മാവോയിസ്റ്റ് പ്രവർത്തകനുമായി പോലീസ് പരിയാരത്തെത്തിയത്.ഇയാളെ എത്തിക്കും മുൻപുതന്നെ ആസ്പത്രി പരിസരത്ത് പോലീസ് നിലയുറപ്പിച്ചിരുന്നു. അത്യാഹിതവിഭാഗത്തിലെത്തിച്ച ഇയാളെ പ്രത്യേക സുരക്ഷയിൽ തീവ്രപരിചരണ വിഭാഗത്തിലേക്ക് മാറ്റി. ഇവിടെയും കാവലുണ്ട്.