കണ്ണൂർ : മയക്കുമരുന്ന് കടത്ത്, കവർച്ചാ കേസുകളിൽ പ്രതിയായ യുവാവിനെ കാപ്പ ചുമത്തി ജയിലിലടച്ചു. കൊറ്റാളി അത്താഴക്കുന്ന് സ്വദേശി കെ. റസീം (23)ന് നേരേയാണ് കാപ്പ ചുമത്തിയത്. സിറ്റി പോലീസ് കമ്മിഷണർ അജിത് കുമാറിന്റെ റിപ്പോർട്ടിന്റെ അടിസ്ഥാനത്തിൽ കളക്ടർ അരുൺ കെ. വിജയന്റെ ഉത്തരവ് പ്രകാരമാണ് നടപടി. ടൗൺ പോലീസ് സ്റ്റേഷനിലും കണ്ണൂർ എക്സൈസിലുമായി നാല് കേസുകളിൽ റസിം പ്രതിയാണെന്ന് പോലീസ് പറഞ്ഞു. ടൗൺ പോലീസ് ഇൻസ്പെക്ടർ പി.എ. ബിനു മോഹന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.