Kannur
കണ്ണൂരിൽ നിര്ത്തിയിട്ട കാറിനുള്ളില് നിന്നും തീപ്പടര്ന്നു; ഗുരുതരമായി പരിക്കേറ്റ് കാറിനുള്ളില് അകപ്പെട്ട യുവാവിനെ ഗ്ലാസ് തകര്ത്ത് പുറത്തെടുത്തു
12 Jan 20241 മിനിറ്റ് വായന
ചോമ്പാല: മുക്കാളിയില് കാറിന് തീപിടിച്ച് യുവാവിന് ഗുരുതര പരിക്ക്. മുക്കാളി ശ്രേയസില് ബിജു (51)വിനാണ് പരിക്കേറ്റത്. വെള്ളിയാഴ്ച്ച ഉച്ചക്ക് രണ്ടരയോടെയാണ് സംഭവം.
റോഡരികില് നിര്ത്തിയിട്ടിരുന്ന കാറില് നിന്നും പുക ഉയരുന്നത് ശ്രദ്ധയില്പ്പെട്ട നാട്ടുകാര് തീയണച്ച ശേഷം കാര് തകര്ത്ത് ഇയാളെ പുറത്തെടുക്കുകയായിരുന്നു. ഡ്രൈവിംഗ് സീറ്റില് പൊള്ളലേറ്റ നിലയിലായിരുന്നു ബിജു. ഇയാളെ മാഹിയിലെ ആശുപത്രിയില് പ്രവേശിപ്പിച്ചു. ഡ്രൈവിങ് സീറ്റ് കത്തിയ നിലയിലായിരുന്നു
ചോമ്പാലപ്പോലീസ് സ്ഥലത്തെത്തി പരിശോധന നടത്തി. സംഭവത്തെക്കുറിച്ച് വിശദമായി അന്വേഷിച്ചുവരികയാണെന്ന് പോലീസ്.
