പുന്നാട് കോട്ടത്തെകുന്നില്‍ വീട്ടിലുണ്ടായത് നാടൻ ബോംബ് സ്ഫോടനമാണെന്ന് പോലീസ്. ഞായറാഴ്ച ഉച്ചയോടെ നടന്ന സ്ഫോടനത്തില്‍ കോട്ടത്തെക്കുന്ന് കല്ലിക്കണ്ടി സുഭാഷ് (43 ) എന്ന പോത്ത്‌ സുഭാഷ്, ഭാര്യ പാര്‍വതി എന്നിവര്‍ക്ക് പരിക്കേറ്റിരുന്നു.പന്നിപ്പടക്കമാണ് പൊട്ടിയതെന്നായിരുന്നു ആദ്യം കരുതിയത്. എഫ്‌ഐആറില്‍ പോലീസ് ബോംബ് സ്ഫോടനമാണെന്ന് രേഖപ്പെടുത്തിയിരിക്കുന്നത്. നാടൻ ബോംബ് നിര്‍മാണത്തിനിടെയാണ് സ്ഫോടനം സംഭവിച്ചതെന്നും എഫ്‌ഐആറില്‍ പറയുന്നു.