പയ്യന്നൂർ: പതിനൊന്ന് കുപ്പി മദ്യവുമായി യുവാവിനെ എക്സൈസ് സംഘം പിടികൂടി. കരിവെള്ളൂർ ഓണക്കുന്ന് മയിൽവളപ്പിലെ നാരായണ മാരാറെ (48)യാണ് റേഞ്ച്എക്സൈസ് ഓഫീസിലെ പ്രിവന്റീവ് ഓഫീസർ പി.വി. ശ്രീനിവാസനും സംഘവും പിടികൂടിയത്.

കരിവെള്ളൂർ ഓണക്കുന്ന് ഭാഗങ്ങളിൽ നടത്തിയ റെയിഡിലാണ് 11 കുപ്പി മദ്യവുമായി ഇയാൾ പിടിയിലായത്. റെയ്ഡിൽപ്രിവൻ്റീവ് ഓഫീസർ കമലാക്ഷൻ ടി വി, സിവിൽ എക്സൈസ് ഓഫീസർമാരായ വിനേഷ് ടി വി, ഇബ്രാഹിം ഖലീൽ, സന്തോഷ് കെ വി എന്നിവരും ഉണ്ടായിരുന്നു.