പയ്യന്നൂര്‍ തായിനേരിയിലെ വിബിന്‍ വിന്‍സ്റ്റണിൻ്റെ പരാതിയിലാണ് കണ്ടോത്തെ വിനായകൻ, ഇരിട്ടി ആനപ്പന്തിയിലെ സ്മിത ടി.ജോണ്‍ എന്നിവര്‍ക്കെതിരെ പയ്യന്നൂര്‍ പോലീസ് വഞ്ചനാകുറ്റത്തിന് കേസെടുത്തത്.

കഴിഞ്ഞവര്‍ഷം ജൂണ്‍ മുതല്‍ പല ദിവസങ്ങളിലായാണ് പരാതിക്കാർ പ്രതികൾക്ക് പണം കൈമാറിയത്.

സ്‌പെയിനിലേക്ക് ജോലിക്കുള്ള വിസ വാഗ്ദാനം നൽകിയതിൻ്റെ അടിസ്ഥാനത്തിൽ പരാതിക്കാരനായ വിബിൻ 8,81,598 രൂപയാണ് കൈമാറിയത്. കൂടാതെ സഹൃത്തുക്കളായ യദുകൃഷ്ണനില്‍നിന്നും 6,45,173 രൂപയും കെ.വി. മിഥുനില്‍നിന്നും മൂന്ന് ലക്ഷം രൂപയും ഉയർന്ന ജോലിക്കുള്ള വിസ നല്‍കാമെന്ന ഉറപ്പില്‍ വാങ്ങിയതായും പരാതിയില്‍ പറയുന്നു. പിന്നീട് വിസയോ കൊടുത്ത പണമോ പലവട്ടം ചോദിച്ചിട്ടും തിരിച്ച് നല്‍കാതെ വഞ്ചിക്കുകയായിരുന്നുവെന്ന് പരാതിയിൽ പറയുന്നു.