Kannur
കണ്ണൂര് ഉളിക്കലില് കാട്ടാന; ഭയന്നോടിയ മൂന്നുപേര്ക്ക് പരിക്ക്, കടകള് അടച്ചിടാന് നിര്ദേശം
11 Oct 20231 മിനിറ്റ് വായന
വനപ്രദേശത്തുനിന്ന് ഏറെ ദൂരത്തുള്ള ജനവാസ കേന്ദ്രത്തിൽ കാട്ടാനയിറങ്ങിയത് നാട്ടുകാരിൽ അമ്പരപ്പ് സൃഷ്ടിച്ചിട്ടുണ്ട്. ആനയെ തുരത്താൻ പോലീസും വനപാലകരും ശ്രമം തുടങ്ങി. ബുധനാഴ്ച പുലർച്ചെയോടെയാണ് കാട്ടാനയെ നാട്ടുകാർ കണ്ടത്. പിന്നീട് വനം വകുപ്പ് ഉദ്യോഗസ്ഥരെ വിളിച്ചുവരുത്തി.
ആദ്യമായാണ് ഇവിടെ കാട്ടാനയെത്തുന്നതെന്നാണ് നാട്ടുകാർ പറയുന്നത്. കർണാടക വനമേഖലയിൽനിന്ന് ഇറങ്ങിയെത്തിയതായിരിക്കാം എന്നാണ് നിഗമനം. കാട്ടാന ഇതുവരെ ആക്രമണ സ്വഭാവം കാണിച്ചിട്ടില്ല. നിലവിൽസിനിമാ തിയേറ്ററിനു സമീപത്തെ കൃഷിയിടത്തിലാണ് നിലയുറപ്പിച്ചിരിക്കുന്നത്.
