Kannur
തൃശ്ശൂരില് മദ്യസല്ക്കാരത്തിനിടെ സംഘര്ഷം; പിന്നാലെ അവശനിലയില് റോഡരികില് കണ്ടെത്തിയ യുവാവ് മരിച്ചു
25 Sept 20231 മിനിറ്റ് വായന
പൊലീസ് പറയുന്നത്: ഞായറാഴ്ച ഉച്ചയ്ക്ക് രണ്ടു മണിയോടെയാണ് സംഭവങ്ങളുടെ തുടക്കം. ധനേഷും നാലു സുഹൃത്തുക്കളും ചേര്ന്ന് ധനേഷിന്റെ വീട്ടില് മദ്യപിക്കുന്നതിനിടെ സുഹൃത്തുക്കളിലൊരാളുമായി അടിപിടിയുണ്ടായി. മറ്റു മൂന്നു പേരും പോയ ശേഷമായിരുന്നു ഇരുവരും തമ്മില് തര്ക്കമുണ്ടായത്.
വൈകിട്ടോടെ ധനേഷ് മറ്റുള്ളവരെയും കൂട്ടി ഈ സുഹൃത്തിനെ അന്വേഷിച്ച് തൊട്ടടുത്ത കള്ളുഷാപിലെത്തി. ബഹളം വയ്ക്കുന്നതറിഞ്ഞ് എത്തിയ പൊലീസ്, ധനേഷ് ഒഴികെ മറ്റു മൂന്നു പേരെയും കസ്റ്റഡിയിലെടുത്തു.
പരുക്കേറ്റിരുന്ന ധനേഷിനോട് ആശുപത്രിയില് പോകാനും ആവശ്യപ്പെട്ടു. എന്നാല് അഞ്ചരയോടെ ധനേഷിനെ അവശനിലയില് റോഡരികില് കണ്ടെത്തുകയായിരുന്നു. പൊലീസെത്തി കൊടുങ്ങല്ലൂര് താലൂക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് പൊലീസ് അന്വേഷണം ആരംഭിച്ചു.
