പഴയങ്ങാടി പ്രദേശത്തിന്റെ ദീർഘകാല ആവശ്യമായ അണ്ടർപാസ് നിർമ്മാണ പ്രവർത്തനങ്ങൾക്ക് തുടക്കമായി. ഇതിന്റെ ഭാഗമായി ഓയിൽ മിൽ പൊളിച്ചു തുടങ്ങി .പദ്ധതിയുടെ പുരോഗതി വേഗത്തിലാക്കുന്നതിനുള്ള നിർണായക ഘട്ടമാണിത്.

അണ്ടർ പാസ് യാഥാർത്ഥ്യമാകുന്നതിലൂടെ കഴിഞ്ഞ 50 വർഷക്കാലമായി മാട്ടൂൽ - മാടായി ജനത അനുഭവിക്കുന്ന തീരാദുരിതത്തിന് പരിഹാര മാകുകയാണ്. നിർമ്മാണം പൂർത്തിയായാൽ പ്രദേശത്തെ ഗതാഗതക്കുരുക്ക് കുറയുകയും സുരക്ഷിതമായ യാത്ര ഉറപ്പാക്കുകയും ചെയ്യും. വികസനത്തിനായുള്ള ഈ നീക്കം നാട്ടുകാരിൽ വലിയ പ്രതീക്ഷയാണ് നൽകുന്നത്.