പരീക്ഷകൾ മാറ്റിവെയ്ക്കുന്നതുമായി ബന്ധപ്പെട്ട് ഒരു തീരുമാനവും തങ്ങൾ എടുത്തിട്ടില്ലെന്ന് സിബിഎസ്ഇ അറിയിച്ചു. ഇത് സംബന്ധിച്ച് പ്രചരിക്കുന്ന സർക്കുലർ വ്യാജവും തെറ്റിദ്ധരിപ്പിക്കുന്നതുമാണെന്ന് ഔദ്യോഗിക വിശദീകരണത്തിൽ സിബിഎസ്ഇ പറയുന്നുണ്ട്. എല്ലാ അഫിലിയേറ്റഡ് സ്കൂളുകളുടെയും പ്രിൻസിപ്പൽമാർക്കായി സിബിഎസ്ഇ അയച്ച സർക്കുലർ എന്ന് അവകാശപ്പെട്ടാണ് ഈ വ്യാജ സർക്കുലർ പ്രചരിക്കുന്നത്. പരീക്ഷ മാറ്റിവെയ്ക്കാൻ തീരുമാനിച്ചിട്ടുണ്ടെന്നും പുതിയ പരീക്ഷാ തീയ്യതി ഉടനെ അറിയിക്കുമെന്നും വിശദീകരിച്ച ശേഷം വിദ്യാർത്ഥികള്‍ പരീക്ഷ മാറ്റാനായി ചെയ്യേണ്ട നടപടികളെന്ന പേരിൽ നീണ്ട ഒരു വിശദീകരണവും അതിൽ നൽകുന്നുണ്ട്