ഓൺലൈൻ സാമ്പത്തിക തട്ടിപ്പുകൾ വർദ്ധിക്കുന്ന സാഹചര്യത്തിൽ പൊതുജനങ്ങൾക്ക് മുന്നറിയിപ്പുമായി കേന്ദ്രസർക്കാർ വീണ്ടും രംഗത്ത്. ഇത്തവണ ടാസ്ക് അടിസ്ഥാനത്തിലുള്ള തട്ടിപ്പുകളെ കുറിച്ചാണ് കേന്ദ്രം മുന്നറിയിപ്പ് നൽകിയിരിക്കുന്നത്. യൂട്യൂബിൽ വീഡിയോ കണ്ടാൽ പണം തരാമെന്ന വാഗ്ദാനമാണ് പുതിയ തട്ടിപ്പിന്റെ ഉള്ളടക്കം. കൂടാതെ, സിനിമ റേറ്റിംഗ് നടത്തിയാലോ, പ്രത്യേക വ്യക്തികളുടെ ഇൻസ്റ്റഗ്രാം അക്കൗണ്ട് പിന്തുടർന്നാലോ പണം നൽകുമെന്ന തരത്തിലുള്ള വ്യാജ വാഗ്ദാനങ്ങളും പ്രചരിക്കുന്നുണ്ട്.