ദിവസം മുഴുവൻ നമ്മുടെ പ്രവർത്തനങ്ങൾ സുഗമമായി നിർവഹിക്കുന്നതിനു നിരവധി മാനസിക പ്രവർത്തനങ്ങളാണു തലച്ചോർ കൈകാര്യം ചെയ്യുന്നത്. ഓർമ, ഭാഷ, കാര്യനിർവ്വഹണം, യുക്തിചിന്ത, ശ്രദ്ധ, കണക്കുകൂട്ടൽ, ദൃശ്യപരവും സ്ഥലപരവുമായ ബന്ധങ്ങൾ തിരിച്ചറിയാനുള്ള കഴിവുകൾ, പെരുമാറ്റരീതി, വ്യക്തിത്വം എന്നിവ ചില പ്രധാന മാനസിക പ്രവർത്തനങ്ങളിൽ ഉൾപ്പെടുന്നു. നമ്മൾ പലപ്പോഴും ഡിമെൻഷ്യയെ ഓർമയുമായി ബന്ധപ്പെട്ട പ്രശ്നവുമായി തുലനം ചെയ്യാറുണ്ട്. എന്നാൽ, സാധാരണ അൽഷിമേഴ്സ് രോഗത്തിന്റെ ലക്ഷണങ്ങളിലൊന്നു മാത്രമാണ് ഓർമയുമായി ബന്ധപ്പെട്ട പ്രശ്നം.