Information
സംസ്ഥാനത്ത് വീണ്ടും തലച്ചോറിനെ ബാധിക്കുന്ന അപൂര്‍വ്വ രോഗം; സ്ഥിരീകരിച്ചത് 15-കാരന്
7 Jul 20231 മിനിറ്റ് വായന
ആലപ്പുഴ ജില്ലയിലെ പാണാവള്ളി സ്വദേശിയായ 15-കാരനാണ് രോഗം ബാധിച്ചിരിക്കുന്നത്. 2017-ല്‍ ആലപ്പുഴ മുനിസിപ്പാലിറ്റി പ്രദേശത്താണ് ഈ രോഗം ആദ്യമായി റിപ്പോര്‍ട്ട് ചെയ്തത്. അതിനുശേഷം ഇപ്പോഴാണ് രോഗം റിപ്പോര്‍ട്ട് ചെയ്യുന്നത്.
പരാദ സ്വഭാവമില്ലാതെ, ജലത്തില്‍ സ്വതന്ത്രമായി ജീവിക്കുന്ന അമീബ വിഭാഗത്തില്‍പ്പെടുന്ന രോഗാണുക്കള്‍ നീര്‍ച്ചാലിലോ കുളത്തിലോ കുളിക്കുന്നത് വഴി മൂക്കിലെ നേര്‍ത്ത തൊലിയിലൂടെ മനുഷ്യന്റെ ശരീരത്തില്‍ കടക്കുകയും തലച്ചോറിനെ ഗുരുതരമായി ബാധിക്കുന്ന എൻസെഫലൈറ്റിസ് ഉണ്ടാക്കാനിടയാക്കുകയും ചെയ്യുന്നു. പനി, തലവേദന, ഛര്‍ദി, അപസ്മാരം എന്നിവയാണ് പ്രധാന രോഗ ലക്ഷണങ്ങള്‍.
രോഗലക്ഷണങ്ങള്‍ ഉള്ളവരും അടുത്തിടെ ശുദ്ധജലത്തില്‍ നീന്തുന്നവരുമായ ആളുകളില്‍ പ്രാഥമിക അമീബിക് മെനിംഗോഎൻസെഫലൈറ്റിസ് ഉണ്ടെന്ന് ഡോക്ടര്‍മാര്‍ സംശയിക്കുന്നു, പക്ഷേ രോഗനിര്‍ണയം സ്ഥിരീകരിക്കാൻ പ്രയാസമാണ്. മസ്തിഷ്‌ക അണുബാധയുടെ മറ്റ് സാധ്യമായ കാരണങ്ങള്‍ തള്ളിക്കളയാൻ സിടി സ്‌കാൻ, എംആര്‍ഐ സ്‌കാനിങ് എന്നിവ നടത്തുന്നു, എന്നാല്‍ അമീബയാണ് കാരണമെന്ന് ഇതിലൂടെ സ്ഥിരീകരിക്കാൻ കഴിയില്ല. സെറിബ്രോസ്‌പൈനല്‍ ദ്രാവകത്തിന്റെ ഒരു സാമ്ബിള്‍ ലഭിക്കാൻ ഒരു സ്‌പൈനല്‍ ടാപ്പ് നടത്തുന്നു. ഈ പരിശോധനയ്‌ക്ക് മെനിഞ്ചൈറ്റിസ്, മസ്തിഷ്‌ക അണുബാധ എന്നിവയുടെ മറ്റ് ചില കാരണങ്ങളെ ഒഴിവാക്കാനാകും. എന്നാല്‍ സാമ്ബിളിലെ അമീബകള്‍ എല്ലായ്‌പ്പോഴും കണ്ടെത്താൻ ഡോക്ടര്‍മാര്‍ക്ക് സാധിക്കാറില്ല. സാധാരണയായി ചികിത്സിക്കാൻ കഴിയാത്ത ഈ കേസ് രോഗികളെ മരണത്തിലേക്ക് നയിക്കുന്നു. എന്നാല്‍ തുടക്കത്തില്‍ രോഗനിര്‍ണയം നടത്തിയാല്‍ ആന്റിബയോട്ടിക്കുകള്‍ ഉപയോഗിച്ച്‌ വിജയകരമായ ചികിത്സയ്‌ക്ക് ഒരു ചെറിയ സാധ്യതയുണ്ട്.
മലിനമായ വെള്ളത്തില്‍ മുങ്ങി കുളിക്കുന്നതും, മുഖവും വായും ശുദ്ധമല്ലാത്ത വെള്ളത്തില്‍ കഴുകുന്നതും രോഗം വരാൻ കാരണമാകുന്നതിനാല്‍ അത് പൂര്‍ണ്ണമായും ഒഴിവാക്കുക. മഴ തുടങ്ങുമ്ബോള്‍ ഉറവ എടുക്കുന്ന നീര്‍ചാലുകളില്‍ കുളിക്കുന്നതും ഒഴിവാക്കുക. മലിനജലം കെട്ടിക്കിടക്കുന്ന സാഹചര്യം ഒഴിവാക്കണമെന്ന് ഡി.എം.ഒ. അറിയിച്ചു.
