Information
ഹയര്സെക്കന്ഡറി പ്രവേശനം: ജൂണ് രണ്ടുമുതല് അപേക്ഷിക്കാം, ജൂണ് 19ന് ആദ്യ അലോട്ട്മെന്റ്
25 May 20231 മിനിറ്റ് വായന
തിരുവനന്തപുരം: ഹയര്സെക്കന്ഡറി /വൊക്കേഷണല് ഹയര്സെക്കന്ഡറി ഒന്നാം വര്ഷ പ്രവേശനത്തിന് ജൂണ് രണ്ടു മുതല് ഒന്പത് വരെ ഓണ്ലൈനായി അപേക്ഷിക്കാം. ജൂണ് 13നാണ് ട്രയല് അലോട്ട്മെന്റ്. ജൂണ് 19ന് ആദ്യ അലോട്ട്മെന്റ് പ്രസിദ്ധീകരിക്കുമെന്ന് വിദ്യാഭ്യാസമന്ത്രി വി ശിവന്കുട്ടി മാധ്യമങ്ങളോട് പറഞ്ഞു.
മുഖ്യഘട്ടത്തിലെ അവസാന അലോട്ട്മെന്റ് ജൂലൈ ഒന്നിനാണ്. മുഖ്യ ഘട്ടത്തിലെ മൂന്ന് അലോട്ട്മെന്റുകളിലൂടെ ഭൂരിഭാഗം സീറ്റുകളിലും പ്രവേശനം ഉറപ്പാക്കും. ജൂലൈ അഞ്ചിന് പ്ലസ് വണ് ക്ലാസ്സുകള് ആരംഭിക്കുമെന്നും മന്ത്രി അറിയിച്ചു.
മുഖ്യ ഘട്ടം കഴിഞ്ഞാല് പുതിയ അപേക്ഷകള് ക്ഷണിച്ച് സപ്ലിമെന്ററി അലോട്ട്മെന്റുകളിലൂടെ ശേഷിക്കുന്ന ഒഴിവുകള് നികത്തും. ഓഗസ്റ്റ് നാലിന് പ്രവേശന നടപടികള് പൂര്ത്തിയാക്കുമെന്നും മന്ത്രി അറിയിച്ചു.
