2025 ഓടെ കേരളത്തിൽ മലമ്പനി രോഗവും മരണവും ഇല്ലാതാക്കുകയാണ് ലക്ഷ്യമെന്ന് ആരോഗ്യ മന്ത്രി വീണാ ജോർജ്. മലമ്പനി നിവാരണത്തിനുള്ള കർമ്മ പദ്ധതി തയ്യാറാക്കി പ്രവർത്തനങ്ങൾ നടക്കുന്നു. പത്തനംതിട്ട, ആലപ്പുഴ, ഇടുക്കി, കോട്ടയം, എറണാകുളം എന്നിങ്ങനെ 5 ജില്ലകളിൽ ഘട്ടം ഘട്ടമായി പുരോഗമിക്കുന്നതായി മന്ത്രി പറഞ്ഞു.

മലമ്പനി മൂലമുള്ള രോഗാതുരതയും മരണവും കുറയ്ക്കുന്നതിന് നൂതന സാങ്കേതിക മാർഗങ്ങൾ പ്രയോജനപ്പെടുത്താം ഈ വർഷത്തെ ദിനാചരണ സന്ദേശം. ഈ സന്ദേശം അന്വർഥമാക്കുന്ന രീതിയിൽ പ്രവർത്തിക്കാൻ കഴിയണം എന്നും മന്ത്രി കൂട്ടിച്ചേർത്തു. ലോക മലമ്പനി ദിനാചരണം സംസ്ഥാനതല ഉദ്ഘാടനം പേരൂർക്കട ജില്ലാ മാതൃകാ ആശുപത്രിയിൽ നിർവഹിച്ച് സംസാരിക്കുകയായിരുന്നു മന്ത്രി.