വടകര: കാറില്‍ കടത്തുകയായിരുന്ന 141 കുപ്പി അനധികൃത മാഹി വിദേശമദ്യവുമായി ഒരാള്‍ എക്സൈസിന്റെ പിടിയിലായി. ഓണം സ്പെഷ്യല്‍ ഡ്രൈവിന്റെ ഭാഗമായി കൊയിലാണ്ടി അട്ടക്കുണ്ട് പാലത്തിന് സമീപം കെ.എല്‍-57-ബി -7015 നമ്ബര്‍കാറിലാണ് ഇരിങ്ങല്‍ താരേമ്മല്‍ വീട്ടില്‍ ബാബു എന്ന ജംബോ ബാബുവിനെ വടകര എക്സൈസ് സര്‍ക്കിള്‍ ഓഫീസ് ടീം പിടികൂടിയത്. പ്രിവന്റീവ് ഓഫീസര്‍ ജയപ്രസാദ് സി.കെയുടെ നേതൃത്വത്തിലുള്ള പരിശോധനയ്ക്ക് സി.ഇ.ഒമാരായ രതീഷ് എ.കെ, സി.എം സുരേഷ് കുമാര്‍, ഷിരാജ് കെ, ഷംസുദ്ദീന്‍ കെ.ടി, എക്സൈസ് ഡ്രൈവര്‍ രാജന്‍ എന്നിവരും ഉണ്ടായിരുന്നു.