സംസ്ഥാനത്ത് ഈമാസം ലോട്ടറി വിൽപന പുനരാരംഭിക്കുമെന്ന് ധനമന്ത്രി തോമസ് ഐസക്. മേയ് 18 മുതലാണ് ലോട്ടറി വിൽപ്പന പുനരാരംഭിക്കുന്നത്. ജൂൺ ഒന്നിന് ആദ്യ നറുക്കെടുപ്പ് നടക്കും.

നിലവിലെ പ്രതിസന്ധി കണക്കിലെടുത്ത് എജൻസികൾക്ക് ആദ്യ 100 ടിക്കറ്റുകൾ വായ്പയായി നൽകും. മൂന്ന് മാസത്തിനകം ഈ ടിക്കറ്റിന്‍റെ പണം നൽകിയാൽ മതിയാകും- ധനമന്ത്രി പറഞ്ഞു. നശിച്ചുപോയ ടിക്കറ്റുകള്‍ക്കുപകരം അതേ സീരിസ് ടിക്കറ്റുകള്‍ നല്‍കും.

വില്‍പനക്കാര്‍ക്ക് മാസ്കും കൈയുറകളും നല്‍കും. ഏജന്‍റുമാർക്കും ആനുകൂല്യങ്ങൾ നൽകും. കമ്മിഷന്‍ തീരുമാനിക്കുന്ന സ്ലാബുകളുടെ പരിധി കുറയ്ക്കുമെന്നും ധനമന്ത്രി അറിയിച്ചു.